«Технодом» — электробытов және компьютерлік техника дүкендер желісі, 2002 жылдан бері Қазақстанда жұмыс істейді. «Technodom Operator» АҚ-ның иесі Эдуард Ким (Forbes Kazakhstan байлар рейтингінде №29, ықпалды тұлғалар рейтингінде №38) болып табылады. Компания Алматыдағы алғашқы «Помидор» дүкенінен бастау алып, кеңейіп келеді. 2013 жылдың шілдесінде «Технодом» желісінің Алматы мен Астана қалаларындағы дүкендерінде микрокредит беру үшін «ТОО МФО Технодом» компаниясы құрылды. Бірақ, 2014 жылы акционердің шешімі бойынша компания «Микрокредитная организация DE-ФИНАНС» ЖШС-не 180 миллион теңгеге еншілес ұйымдағы 100% қатысу үлесін сатты. 2015 жылдың қазан айында компания Қырғызстанда «Технодом Оператор» ЖШҚ-ның 95% үлесін 654 мың теңгеге сатып алды, онда екі дүкен ашылды. Қазіргі таңда «Технодом» сауда желісі Қазақстан мен басқа елдерде 64 дүкеннен тұрады. 2015 жылы компанияның табысы 4,5%-ға қысқарып, 2014 жылғы 115,6 миллиард теңгеден 110,5 миллиард теңгеге дейін төмендеді. Таза пайда 23,9%-ға азайды. Егер 2015 жылы компания 2,7 миллиард теңге тапқан болса, бір жыл бұрын пайда 3,5 миллиард теңгені құраған еді. Таза пайданың айтарлықтай төмендеуі табыстың азаюымен қатар кейбір қазақстандық банктерде міндеттемелерді орындау мен қызмет көрсету шығындарының артуына байланысты болды. 2016 жылдың қазан айында компания XXVIII Бүкіләлемдік қысқы Универсиада – 2017 дайындығы жөніндегі дирекциямен ынтымақтастық туралы келісімге қол қойды, оған сәйкес 500-ден астам техника мен жабдықты ұйымдастыру комитетінің жұмысына ұсынады. Кейіннен барлық техника Алматы қаласының балалар мен жасөспірімдерге арналған спорт мектептеріне қайтарымсыз беріледі.
